Өткөн жумада Wildberries компаниясынын Москвадагы борбордук кеңсесинде атышууга катышкандар Басман райондук сотунун камакка алуу чечимин кайра кароону суранышты. Ошол эле учурда алар атайын аскердик операцияга катышуу үчүн келишим түзүү жөнүндө арыздарын бере башташты. Чыр-чатакка катышкандарды камакка алууда тергөөчүлөр кылмыштарды полиция кызматкерлеринин көз алдында атайылап жасаганын билдиришти. Аларга коюлган беш кылмыштын үчөөндө өмүр бою абакка кесүү мүмкүн экени белгиленди.
III Элдик курултайдын качан болору айтылды
Кыргызстанда III Элдик курултай 20-декабрда Бишкекте өткөрүлөт. Мамлекет башчынын тиешелүү жарлыгы өкмөттүк «Эркин-Тоо» гезитине жарыяланды. Алдыда боло турган Элдик курултайга өлкөнүн бардык аймактарынан 700 делегат катышат. Иш-чараны даярдоо жана уюштуруу Министрлер Кабинетине жана Президенттин Администрациясына жүктөлдү Бөлүшүү:
