Wildberries компаниясынын түптөөчүсү Татьяна Бакальчуктун күйөөсү Владислав Бакальчукка Москвадагы Wildberries кеңсесиндеги ок атуу окуясы боюнча айып тагылды. Forbes басылмасы Бакальчуктун адвокаттарына шилтеме кылып, ага киши өлтүрүү, киши өлтүрүүгө аракет кылуу, укук коргоо кызматкерине кол салуу жана өз билемдик айыптары тагылганын билдирди.
Россиянын Тергөө комитети киши өлтүрүү, куралды мыйзамсыз сактоо жана укук коргоо кызматкеринин өмүрүнө кол салуу боюнча беш берене менен кылмыш ишин козгогон.
18-сентябрда Wildberries компаниясы билдирүү жасап, Татьяна Бакальчуктун күйөөсү Владислав күзөтчүлөр менен бирге мыйзамсыз түрдө маркетплейстин Москвадагы «Романов двор» бизнес борборундагы кеңсесине кирүүгө аракет кылганын маалымдаган. Имараттын алдында ок атуу башталып, анын натыйжасында эки күзөтчү каза болгон. Владислав Бакальчук ишкердик жолугушууга келгенин жана «анын адамдары» куралсыз болгонун, аларды ИИМдин күзөтчүлөрү коштоп жүргөнүн билдирген. Wildberries компаниясынын басма сөз кызматы билдиргендей, ок атууну Владислав Бакальчукту коштогондор баштаган.
Жубайлар ортосунда ажырашуу процесси жүрүп жатат. Бул тууралуу июль айында Wildberries «РВБ» ЖЧКсын каттоодон өткөргөндөн кийин жарыяланган. Владислав Бакальчук («Вайлдберриз» ЖЧКсынын 1% ээси) каршы чыгып, бул жагдай боюнча Чеченстандын башчысы Рамзан Кадыровго арызданган. Ал болуп жаткан окуяны «талаш-тартыш менен ишке ашырылган рейдердик басып алуу» деп атаган. Татьяна Бакальчук бул версияны четке кагып, ажырашууга арыз берген.
Качырып ийбе! Бүгүн Кыргыз –Жапон футзал курамалары беттешет
Бүгүн, 20-сентябрда Бишкекте Кыргызстандын футзал боюнча улуттук курамасы Япония менен жолдоштук беттеш өткөрөт. Бул тууралуу Кыргыз футбол биримдигинин басма сөз кызматы билдирди. Маалыматка ылайык, оюн борбор калаадагы “Газпром” дене тарбия жана ден соолукту чыңдоо спорт комплексинде саат 20:00дө башталат. Эске салсак, Тайландда өткөн Азия кубогунун “С” тайпасындагы оюндарында Кыргызстандын футзал […]
