Иорданиянын Амман шаарындагы Дүйнө чемпионатында (U20) кыздар арасындагы күрөш боюнча кыргызстандык балбан Калмира Билимбек кызы коло медаль тагынды. Бул тууралуу Дене тарбия жана спорт департаментинен билдиришти.
Маалыматка ылайык, спортчу 59 килограммга чейинки салмак категориясы боюнча күч сынашты.
Балбан Калмира Билимбек кызы 1/16 финалда өзбекстандык спортчуну 11:1 эсеби менен жеңип, 1/8 финалда казакстандык балбан кызды 8:1 эсебинде артта калтырган. Чейрек финалда япониялык балбанды 10:0 эсебинде утуп, жарым финалда нейтралдуу желек менен чыккан Алеса Гетмановага утулуп калган.
Кыргыз балбаны коло үчүн беттеште түркиялык балбан менен беттешип, жеңишке жетти. Бул Дүйнөлүк чемпионатта (U20) Кыргызстандын курама командасынын биринчи медалы.
