Бүгүн Октябрь райондук соту “Kloop” порталын жабуу боюнча соттук отурумду 25-январга жылдырды. Белгилүү болгондой, мындай арыз менен Бишкек шаардык прокуратурасы кайрылган.
Сотто аталган басылманын жактоочулары кайрадан жүргүзүлгөн лингво-психологиялык экспертизанын жыйынтыктары менен тааныша электигин билдиришти. Сот жактоочулардын талабын канааттандырды.
Бишкек шаардык прокуратурасы “Клоопту” жабуу боюнча Бишкек шаарынын прокурору Эмилбек Абдыманапов “Клооп азыркы бийликтин жүргүзгөн саясатын кескин сындап, мамлекеттик, муниципалдык ишканалардын өкүлдөрүнүн кадыр-баркын кетирүүнү көздөгөн терс мүнөздөгү маалыматтарды көп жарыялайт”,- деген.
Прокуратура мындай маалыматтар эл арасында терс маанай жаратып жатат деп эсептейт.
