Үчүнчү Элдик курултайга делегаттар шайланды. Бул тууралуу курултайдын катчылыгы билдирди.
Маалыматка ылайык, Бишкек жана Ош шаарларында, 14 облустук маанидеги, 17 райондук маанидеги шаарларда, ошондой эле 231 айыл аймактарда жыйындар өттү.
Кыргызстандан жалпы 640 делегат, чет өлкөдөгү эмгек мигранттарынан 30 делегат жана этникалык жамааттардан 30 делегат шайланды.
Белгилей кетсек, III Элдик курултай 20-21-декабрда Бишкек шаарында өтөт. Учурда курултайга даярдык көрүү боюнча уюштуруу иштери жүрүп жатат.
