Израил Газа тилкесинде ачарчылыкты курал катары колдонууда. Мындай баа Нью-Йоркто жайгашкан Human Rights Watch (HRW) укук коргоо уюму тарабынан берилди. “Израил эки айдан ашык убакыттан бери Газанын элин тамак-аш жана суудан ажыратып келет, бул саясат Израилдин жогорку даражалуу расмий адамдары тарабынан жактырылган согуш ыкмасы катары жана карапайым калкты ачкачылыкка салуу ниетин чагылдырат”,-деди HRW уюмунун Израил жана Палестина боюнча эксперти Омар Шакир.
Анын айтымында дүйнө лидерлери Газа эли үчүн кыйраткыч кесепеттерге алып келген бул үрөй учурган согуш кылмышына каршы чыгышы керек.
