Кыргызгидромет билдиргендей, 30-декабрда түнкүсүн көпчүлүк аймакта кар жаайт, Чүй, Ош, Жалал-Абад облустарынын айрым жерлеринде жаан нөшөрлөп жаайт.
Күндүз Жалал-Абад, Ысык-Көл, Нарын облустарынын айрым жерлеринде, Чүй, Талас, Ош, Баткен облустарынын тоолуу райондорунда кар жаайт. Айрым жерлерде туман түшүшү мүмкүн. Батыштан келген шамалдын ылдамдыгы секундасына 4-9 метрден, Ысык-Көл акваториясында 15-20 метрге чейин жетет.
Абанын температурасы:
Чүй өрөөнүндө түнкүсүн -6…-1, күндүз -3…+2,
Талас облусунда түнкүсүн -10…-5, күндүз -5…0,
Баткен, Ош, Жалал-Абад аймактарында түнкүсүн -5…0, күндүз 0…+5,
Ысык-Көл облусунда түнкүсүн -8…-3, күндүз -2…+3,
Нарын облусунда түнкүсүн -17…-12, күндүз -8…-13.
Бишкекте түнкүсүн кар жаашы мүмкүн, күндүз жаан-чачын күтүлбөйт. Абанын түнкү температурасы -4…-2, күндүз -1…+1 градус болушу күтүлөт.