“Көптөгөн жылдар боюу бир эле окуу жайда директор болуп отургандарды билебиз. Кесиптик орто жана башталгыч лицейлерибиз менен коллеждерибизде да мындай жагдайлар жок эмес”,- деп билдирди билим берүү министринин орун басары Расул Авазбек уулу “Марал” радиосуна берген маегинде.
“50 жыл директор болгон адам бар эле, быйыл кетти. Бул билим берүү тармагындагы абсалюттук рекорд болсо керек. Учурда айрымдары 28 жылдан бери директор болуп отурушат. 10,15,20 жана 28 жылдан бери отурган директорлор бар,- деди ал. Ошондуктан, министрлик 5 жылдан көп отурган директорлордун кызмат орду үчүн конкурс өткөрүп жатканын айтты. “Бирок, мен алардын эмгегин эч качан жокко чыгарбайм. Балким алар өз мезгилинин каарманы болушкан”,- деди Расул Авазбек уулу.
