Кыргызгидромет борбору билдиргендей, 27-сентябрга караган түнү көпчүлүк аймактарда жаан, тоолуу жана бийик тоолуу райондордо кар жаайт.
Күндүз Чүй, Ош, Жалал-Абад, Баткен, Ысык-Көл, Нарын облустарынын көпчүлүк аймактарында, Талас облусунун айрым жерлеринде жаан, тоолуу райондордо кар аралаш жаан, бийик тоолуу райондордо кар жаайт. Ош, Жалал-Абад, Баткен облустарынын айрым жерлеринде жаан-чачын болот.
Түндүк-батыштан соккон шамалдын ылдамдыгы секундасына 4-9 метрден, айрым жерлерде 15-20 метрге, Ысык-Көл акваториясынын батыш тарабында 18-23 метрге жетет.
Абанын температурасы:
Чүй өрөөнүндө түнкүсүн 5…10, күндүз 14…19;
Талас өрөөнүндө түнкүсүн 2…7, күндүз 14…19;
Баткен, Ош, Жалал-Абад облустарында түнкүсүн 8…13, күндүз 20…25;
Ысык-Көл облусунда түнкүсүн 3…8, күндүз 11…16;
Нарын облусунда түнкүсүн 2…7, күндүз 12…17 градус жылыйт.
Бишкекте мезгил-мезгили менен жаан жаайт. Түндүк-батыштан соккон шамалдын ылдамдыгы секундасына 4-9 метрге жетет.
Абанын температурасы түнкүсүн 7…9, күндүз 15…17 градус жылуу болот.
U 20: Бүгүн Кыргызстан-Түркмөнстан жаштар арасында футбол беттеши өтөт
Бүгүн, 27-сентябрда Бишкектеги Дөлөн Өмүрзаков атындагы стадионунда жаштар арасында 2025-жылы өтө турган Азия кубогуна тандап алуу оюндары алкагында Кыргызстан курамасы Түркмөнстан менен беттешет. Бул тууралуу Кыргыз футбол биримдигинен билдиришти. Маалыматка ылайык, беттеш саат 20.00дө башталат. Ал эми саат 18.00дөн баштап бардык футбол күйөрмандарына шоу-программаны да көрүшөт. Эске сала кетсек, тандоо […]
