2028-жылы футбол боюнча Европа чемпионаты Улуу Британия менен Ирландияда өтөт. Бул тууралуу Швейцариянын Ньон шаарындагы Европалык футбол ассоциацияларынын биримдигинин (УЕФА) штаб-квартирасында өткөн жыйынында айтылды.
— Арыз бергендерди куттуктагым келет. 2028-жылкы Европа чемпионатынын кожоюну Улуу Британия менен Ирландия болорун УЕФАнын башчысы Александр Чеферин билдирди.
Өткөн жылдын ноябрында УЕФА Евро-2028ди өткөрүү укугуна Англия, Түндүк Ирландия, Ирландия, Шотландия жана Уэльстин футбол ассоциацияларынан алдын ала арыз документтери алганын ырастады. Турнирди өткөрүү укугу үчүн арыз Түркия тарабынан берилип, ал дагы 2032-жылкы Европа чемпиондугуна ат салышууга чечим чыгарган. Июль айында УЕФА Италиянын Футбол федерациясынан (FIGC) жана Түркиянын футбол федерациясынан (TFF) Евро 2032ди өткөрүү үчүн жеке сунуштарын бир биргелешкен тендерге бириктирүү өтүнүчүн алганын жарыялаган.
