Маданият, маалымат, спорт жана жаштар саясаты министрлигинин коллегиялык жыйыны болуп, ага министрлер кабинетинин төрагасы Акылбек Жапаров катышты.
Жыйында министрликтин былтыркы жылдагы иштеринин жыйынтыгы жана 2024-жылга карата пландары талкууланды.
Акылбек Жапаров маалымдагандай, 2,5 жылдын ичинде маданият тармагына бөлүнгөн каражат үч эсеге көбөйүп, 2023-жылы 7,3 миллиард сомду түзгөн. Ал эми спорт тармагына бөлүнгөн бюджет 4 эсеге көбөйүп, 2023-жылы 1,7 миллиард сомду түзгөн.
Жапаров тойлорду баалуулуктары менен өткөрүүгө жана иретке келтирүүгө чакырды
Министрлер кабинетинин төрагасы Акылбек Жапаров Маданият, маалымат, спорт жана жаштар саясаты министрлигинин коллегиялык жыйынында өкмөттүн аткарып жаткан иштери боюнча маалымат берип, акыркы учурлардагы ыксыз тойлорго токтолду. “Тамадалар тойлорду ар бир кардардын аң сезимине жана деңгээлине жараша өткөрөт. Тойкананын ичине ат деле, төө деле алып кирип жатышат. Мүмкүнчүлүк болсо, пилди да […]
