Кыргызгидромет билдиргендей, 19-майга караган түнү Ысык-Көл облусунун көпчүлүк аймактарында, Чүй, Талас, Жалал-Абад облустарынын айрым жерлеринде жаан жаап, күн күркүрөшү мүмкүн. Ош, Баткен, Нарын облустарында жаан-чачын күтүлбөйт.
Күндүз көпчүлүк аймакта жаан жаап, күн күркүрөшү, бийик тоолуу райондордо кар жаашы күтүлөт. Батыштан келген шамалдын ылдамдыгы секундасына 4-9 метр, күндүз айрым жерлерде 15-20 метрге чейин жетет.
Абанын температурасы:
Чүй облусунда түнкүсүн +7…+12, күндүз +21…+26,
Талас облусунда түнкүсүн +7…+12, күндүз +18…+23,
Баткен, Ош, Жалал-Абад аймактарында түнкүсүн +10…+15, күндүз +20…+25,
Ысык-Көл дубанында түнкүсүн +6…+11, күндүз +19…+24,
Нарын облусунда түнкүсүн +5…+10, күндүз +17…+22.
Бишкекте маал-маалы менен жаан жаашы мүмкүн. Абанын температурасы түнкүсүн +10…+12, күндүз +24…+26 градус болот.
