Кыргызстандык футболчу Бекназ Алмазбеков Түркиянын жогорку лигасындагы «Галатасарай» клубунда ойнойт. Бул тууралуу Кыргызстандын футбол бирикмесинен билдиришти.
Маалыматка караганда, 18 жаштагы Алмазбеков «Галатасарай» менен 2025-2026-жылдагы сезондун аягына чейин келишим түзгөн.
Эскерте кетсек, Бекназ Алмазбеков буга чейин “Галатасарайдын” жаштар командасында ойноп, 2022-жылы 19 жаштан ашпаган оюнчулардан куралган “Галатасарай” U-19 жаштар командасынын курамында Түркиянын чемпиону болгон.
Ошондой эле 2022-жылдан бери Кыргызстандын курама командасында ойноп келет. Анын болжолдуу баасы Transfermarkt порталынын маалыматы боюнча 500 миң еврону түзөт.
