Гуманитардык жүк ташыган кербен Газа тилкесине киргенде 110дон ашуун палестиналык тыгында көз жумду. Гуманитардык жардамды күткөн эл жүк ташыган унааларды Газа шаарынын батыш тарабындагы Израилдин аскердик көзөмөл бекетинен өтүп баратканда курчоого алды. Израил армиясы коркунуч жаратты деп эсептеген айрым палестиналыктарга ок чыгарды. Башаламандыкта жүк ташуучу унаалар алдыга жылууга аракет кылышкан. Окуяга күбө болгон палестиналыктар адамдардын көбүн унаалар сүзүп кеткенин бышыктады.
Газанын ХАМАС көзөмөлдөгөн саламаттыкты сактоо министрлиги Израилди күнөөлөдү. АКШнын президенти Жо Байден окуя убактылуу ок атышууну токтотууга ортомчулук кылуу аракеттерин кыйындатарын билдирди.
Суучул Денис Петрашов төртүнчү ирет Азия чемпиону болду
Кыргызстандын сууда сүзүү боюнча улуттук курама командасынын мүчөсү Денис Петрашов сууда сүзүү боюнча Азиянын төрт жолку чемпиону болду. Бул тууралуу Дене тарбия жана спорт департаментинен билдиришти. Маалыматка ылайык, спортчу быйылкы Азия чемпионатында 200 метр аралыкты 2 мүнөт 12,89 секундда сүзүп, экинчи алтынды жеңип алды. Петрашов 27-февралда 50 метрге брасс ыкмасы […]
