Түштүк Кореянын соту тергөөчүлөрдүн өтүнүчүн канааттандырып, өлкөнүн кызматынан убактылуу четтетилген президенти Юн Сок Ёлду камакка алуу үчүн ордер берди. Бул өлкө тарыхында биринчи жолу убактылуу четтетилген, бирок расмий түрдө иштеп жаткан мамлекет башчысына карата мындай ордер берилген учур болуп саналат. Буга чейин Юн Сок Ёль көтөрүлүш уюштуруу аракети боюнча иштин алкагында үч жолу суракка келбей койгон.
Сеулдун Батыш округдук соту Юн Сок Ёлго үч айып боюнча камакка алуу ордерин берген. Бийликти кыянаттык менен пайдалануу, аскердик абал киргизүү аракети, ошондой эле көтөрүлүш уюштуруу аракети. Сот президенттин резиденциясында тинтүү жүргүзүүгө уруксат берген.
Юн Сок Ёль 3–4-декабрда аскердик абал киргизүү жана бийликти кыянаттык менен пайдалануу боюнча айыпталууда.
Президент Садыр Жапаров кыргызстандыктарды 2025-жаңы жыл менен куттуктады
Мамлекет башчысынын жаңы жылдык куттуктоосунда төмөнкүдөй айтылат: “Ардактуу мекендештер! Кымбаттуу кыргызстандыктар! Алыс-жакында жүргөн кадырлуу журтташтар! Биз саналуу мүнөттөрдөн кийин эски жылыбызды узатып, жаңы дем, жаңы маанай менен жаңы 2025-жылга аяк басабыз. Мезгил деген закым куш экен, узап бараткан жылыбызга аста көз чаптырсак, өлкөбүздө бир далай натыйжалуу иштерди аткарууга жетишиптирбиз. Эсиңиздерде […]
