Ноябрда Өзбекстанда Кыргызстандын маданият күндөрү өтөт. Бул тууралуу Маданият министринин биринчи орун басары Кайрат Иманалиев Өзбекстандын маданият министринин биринчи орун басары Баходир Ахмедов менен жолугушуусунда белгилүү болду.
Жолугушууда 2023-жылдын 9-11-ноябрь Кыргызстандын Өзбекстанда маданият күндөрүн өткөрүү, анын алкагында өтө турган иш-чараларды жана ага көрүлүп жаткан даярдыктар тууралуу сүйлөшүүлөрдү жүргүзүштү.
Ошондой эле маданият жана жаштар саясаты тармагындагы иш-чараларды алдыга жылдыруу боюнча эки тараптуу пикирлер айтылды.