Ноябрь айында Өзбекстанда Кыргызстандын маданият күндөрү жана залкар жазуучу Чыңгыз Айтматовдун 95 жылдыгы майрамдалары пландаштырылууда. Бул тууралуу бүгүн, 16-августта Чолпон-Ата шаарында Кыргызстан менен Өзбекстандын ортосундагы Өкмөттөр аралык эки тараптуу кызматташуу боюнча биргелешкен комиссиясынын 10-жыйынында айтылды.
Жыйынга Министрлер Кабинетинин төрагасы Акылбек Жапаров жана Өзбекстандын премьер-министри Абдулла Арипов катышап, соода-экономикалык, илимий-техникалык жана гуманитардык кызматташуу боюнча маселелер талкууланды.
Быйылкы жылы биргелешкен маданий иш-чараларды, тагыраагы ноябрь айында Өзбекстанда Кыргызстандын Маданият күндөрүн, белгилүү жазуучу Чыңгыз Айтматовдун 95 жылдыгын майрамдоо пландаштырылып жатканы айтылды.
Отурумда Өкмөттөр аралык биргелешкен комиссиянын 10-жыйынынын протоколуна кол коюлду.
