Өзбекстанда бала төрөлгөн учурда аталар үчүн эмгек акы төлөнүүчү өргүү киргизилиши мүмкүн. Тийиштүү мыйзам долбоору парламенттин төмөнкү палатасына сунушталды.
«УзА» агенттигине билдиргендей, депутат Нодир Тилаволдиевдин айтымында, документке ылайык, аталар биринчи жолу баласы төрөлгөндөн кийин бир ай ичинде беш күндүк эмгек акы төлөнүүчү өргүү алууга мүмкүнчүлүк алышат. Бул өргүү аялдарына жардам жана колдоо көрсөтүү үчүн берилет.
Ал бул эмгек кодексине сунушталып жаткан өзгөртүү гендердик тармактагы өлкөдө жүргүзүлүп жаткан реформалардын логикалык уландысы экенин белгиледи. Учурда мыйзамдарда мындай тартип жок. Эркектерге өргүүнү өз эсебинен алуу зарыл болууда.
Садыр Жапаров УКМКнын Чүй облусу боюнча башкармалыгынын жаңы имаратын ачты
Президент Садыр Жапаров бүгүн, 19-декабрда Улуттук коопсуздук мамлекеттик комитетинин Чүй облусу боюнча башкармалыгынын жаңы административдик имаратынын салтанаттуу ачылышына катышты. Мамлекет башчысы жаңы имарат улуттук коопсуздук органдарынын турмушундагы маанилүү окуя болуп, натыйжалуу иштеши үчүн бардык шарттарды түзөөрүнө үмүт артарын билдирди. Ал улуттук коопсуздук органдарынын калыптануу тарыхы 1918-жылдан башталганын, ал эми Чүй […]
