Эстония Латвия жана Литва менен кеңешкенден кийин Евробиримдиктин санкцияларынан улам 13-сентябрдан тарта орус номурлуу унааларды өз аймагына киргизүүгө тыюу салды.
Латвия бир күн мурда Россияда катталган унаалардын чек ара бекеттеринен өтүшүнө тыюу салган. Литва россиялыктарга автоунааларды конфискациялоо мүмкүндүгүн эскертти.
Анткен менен Финляндия россиялыктардын унааларын конфискациялоодон баш тартты.
1-октябрдан тарта пенсия жогорулайт
Президент Садыр Жапаров “2023-жылдын 1-октябрынан тартып пенсиялардын камсыздандыруу бөлүктөрүнүн өлчөмдөрүн индексациялоо жөнүндө” Жарлыкка кол койду. Жарлыкка ылайык, пенсионерлердин жашоо деңгээлин жогорулатуу максатында, Кыргыз Республикасынын Конституциясынын 19, 44, 66 жана 71-беренелерин жетекчиликке алып, 2023-жылдын 1-октябрынан тарта пенсиянын камсыздандыруу бөлүктөрүнүн өлчөмдөрүн индексациялоо коэффициенти 30 миң сомго чейинки пенсиялар үчүн 1,38 өлчөмүндө белгиленди. […]
