Тамчыга 5 жылдыздуу Хан Теңири мейманканасына мезгил кутучасын УКМК төрагасы Камчыбек Ташиев салды. Ал бул курулушка инвестор 160 млн доллар жумшайт деп билдирген. Бирок, инвестордун аты аталган эмес. Ал өлкөдөгү уурулук токтоп, инвесторлор келе баштаганын айтты. Бизге маалымдашкандай, Хан-Теңири үлкөн мейманканасын “Иншаат -Строй Билдинг” компаниясы курушу мүмкүн. Анын жетекчиси Акбарали Абдразаков.
Белгилүү болгондой, алар Ынтымак Ордону куруп, 31-август күнү пайдаланууга берилген.
Чоң аба майданы курулат. Кайда?
“Азыр чоң- чоң инвесторлор келе баштады. Алар Ысык-Көлдүн суусуна кызыгып келип жатышкан жок. Мамлекетибиздин бардык жагына келип жатат”, – деди Камчыбек Ташиев. Ал Жалал-Абад облусуна чоң аба майданынын курулушу башталаарын маалымдады. Ошондой эле Жалал-Абад шаарына 450 млн долларлык инвестиция келээрин жана ага президент Садыр Жапаровдун мезгил кутучасын салаарын кошумчалады. Бул […]
