Якутиянын Өзгөчө кырдаалдар министрлиги Якутия аймагынын үстүнөн C0WEPC5 астероиди атмосферадан өткөнүн билдирди.
«Тургундардын коопсуздугу бузулган жок. Олекминск жана Ленск райондорунун жашоочулары түндө кометаныкына окшош изди жана жарыкты көрө алышты»,-деп айтылат мекеменин билдирүүсүндө.
Astroalert телеграм-каналынын маалыматына ылайык, астероид жергиликтүү убакыт боюнча түнкү 01:14тө түшкөн. Бул Урал федералдык университетинин окумуштууларынын мурда эсептеген убактысына туура келди. «Учуу беш секундга созулуп, жарык пайда болду. Бул метеориттин майда бөлүкчөлөргө ажыроо процесси»,-деп жазган каналдын автору.
C0WEPC5 астероиди 2024-жылдын 3-декабрында эртең менен АКШнын Аризона штатындагы Китт-Пик обсерваториясында эки метрлик телескоптун жардамы менен ачылган. Европа космостук агенттигинин маалыматына ылайык, космостук объекттин диаметри болжол менен 70 сантиметрди түзгөн.
Бүгүн «Манас» эпосунун күнү белгиленет
Бүгүн, 4-декабрда Кыргызстанда “Манас эпосунун күнү” майрамдалат. Бул күн Кыргыз Республикасынын 2015-жылдын 27-апрелиндеги №259 токтомдун негизинде маданият, маалымат жана туризм министрлигинин ошондой эле өлкө парламентинин демилгеси аркылуу кабыл алынган. Башкы максаты – “Манас” эпосун улуттук мурас катары сактоо жана жайылтуу, республикада “Манас таанууну” өнүктүрүү жана манасчыларга колдоо көрсөтүү, ошондой эле […]
