“Кыргыздар” тарыхый китебинин 40 томдугу чыкты. Бул туурасында китептин түзүүчүлөрү кабарлады.
Тарыхый эмгектин бет ачары эртең, 21-декабрда саат 14:00дө Улуттук тарых музейинде коомчулуктун катышуусунда өтөт.
Аталган 40 томдукта байыркы замандан бүгүнкү күнгө чейинки кыргыз элинин тарыхы, салт-санаасы, санжыра, рухий маданияты жана башка көптөгөн тарыхый маалыматтар камтылган.
Китепти Кыргыз эл жазуучусу Кеңеш Жусупов жана жазуучу, саясат таануу илимдеринин доктору Каныбек Иманалиев түзүп чыккан.
Эске салсак, “Кыргыздар” 2010-жылы 14 томдук болуп жарыяланган. Андан кийин толукталып, 20 томго бириктирилип 2020-жылы кайрадан басылган.
