Эртең, 21-ноябрда “Кыргызстан-Оман” беттеши болот. Бул тууралуу Кыргыз футболдук союзу билдирди.
Маалыматка ылайык, учурда кыргыз футболчулары атаандашына каршы оюнга даярдык көрүп жатат. Кечээ спортчулар Канттагы «Спорт Сити» комплексинин оюн талааларында машыкты.
Оюн саат 19:00дө Дөлөн Өмүрзаков стадионунда болот.
Эскерте кетсек, 16-ноябрда Кыргызстан менен Малайзиянын Куала-Лумпурдагы беттеши 3:4 эсебинде жыйынтыкталып, “Ак шумкарлар” жеңилүү ызаасын тарткан.