Түркиянын президенти Режеп Тайып Эрдоган тиешелүү протоколго кол коюу менен Швециянын НАТОго кирүү арызын жактырды жана документти Түркия парламентине бекитүүгө жөнөттү.
Анкара Швециядан Күртстан жумушчу партиясынын тарапкерлерин өткөрүп берүүнү жана 2019-жылы Түркияга курал экспорттоого киргизилген тыюуну алып салууну талап кылды.
Швеция менен Финляндия НАТОго кирүү үчүн былтыр май айында арыз берген. Финляндия апрель айында альянска кошулуп, Швециянын кирүүсүнө Түркия көпкө чейин бөгөт койгон. Азырынча НАТОнун Түркия менен Венгриядан башка бардык мүчөлөрү Швециянын кирүүсүнө макулдук беришти.
