“Бул 1-видеодогу электрондук сигарет чегип олтурган дарыгер Жалдагы “Эне жана баланы коргоо улуттук борборунун” жетекчиси Гүлзат Маймерованын кызы, ушул жерде врач болуп иштейт. Экинчи видеодо кызы өзүнүн кесиптештери менен ызы-чуу салып жатат. Апасы борбордо жетекчи, өзү дарыгер болсо, эң жөнөкөй адамдык этиканы сактаса болмок”,-деп жазды ФБ баракчасына белгилүү журналист Сайрагүл Садыкова. Ал аталган борбордун башкы дарыгери борборду менчигиндей кылып алганын билдирип, борборго нааразылыктар көп экенин, башкы дарыгерге жана анын кызына министрликтин баа беришин жана жазага тартышы керектигин жазган.
Жума башында “Энени жана баланы коргоо борборунда” ак халатчандардын жаңжалдашкан видеосу тараган. Анда алкынган бир кыз кесиптешин ыйлатып, кордоп атканын көрүүгө болот. Борбордогу мындай көрүнүш элдин нааразычылыгын туудурган.
