Министрлер кабинетинин төрагасы Акылбек Жапаров бүгүн, 13-майда Энергетика министрлигине атайын техникалардын ачкычын тапшырды.Бул тууралуу өкмөттүн басма сөз кызматы билдирди.
Маалыматка ылайык, жалпы 33 даана атайын техниканын 28 даанасы бригадалык унаа, 3 жеңил унаа жана 2 даана экскаватор. Бул техникалар үчүн 86 млн сомдон ашуун каражат жумшалды.
Өз сөзүндө министрлер кабинетинин төрагасы Акылбек Жапаров акыркы жылдары мамлекеттик органдарда алгылыктуу рефомалар жүргүзүлүп, анын ичинде техникалык жактан жаңыртылып жатканын белгиледи.
“Электр энергиясыз жашоону элестетип болбойт. Ошол себептүү мамлекет башчыбыздын реформалары аркылуу өлкөнүн энергетика тармагында бир топ алгылыктуу иштер жүргүзүлүүдө. Камбар-Ата-1 ГЭСи сыяктуу ири долбоор башталды. Чакан ГЭСтер салынып жатат. Жакында мамлекет өзү каржылаган Бала-Саруу ГЭСи ишке кирет. Мындан тышкары, күн, шамал станциялары салына баштады. Ошондой эле Кыргызстандын энергетикалык потенциалы тууралуу, ири эл аралык каржы институттары менен сүйлөшүүлөрдү жүргүзгөндө алар кызыкдар экендиктерин айтканын кошумчалап кетейин. Анын арты менен алдыда чоң иштер аткарылат”, – деп сөзүн жыйынтыктады Акылбек Жапаров.
Адистердин белгилөөсүндө, бул жаңы алынган атайын унаалар энергетиктердин ишин жакшыртууга мүмкүндүк берет. Оңдоо иштери ыкчам жана сапаттуу болуп, техникалык жоготуулардын санын азайтууга да таасирин тийгизет.
Жол кырсыктарынын 92% айдоочулардын күнөөсү менен коштолот
Кыргызстанда катталып жаткан жол кырсыктарынын 92%ы айдоочулардын күнөөсү менен коштолот. Бул тууралуу ИИМдин Жол кыймылынын коопсуздугун камсыздоо башкы башкармалыгынан билдиришти. Кырсыктар төмөнкү фактылар менен коштолууда: -каттуу ылдамдыкта айдоо; -карама-каршы тилкелерге чыгуу; -алдыдагы унаадан ашып өтүүдө, озуп өтүүдө же маневр жасоодо коопсуздук эрежелерин толук сактабоо; -мас абалында унаа башкаруу; -кууш, тар […]
