Казакстанда энергетикалык суусундуктарды 21 жашка чейинкилерге сатууга тыюу салынат. Тиешелүү өзгөртүү мыйзамга киргизилип, Мажилисте каралууда. Саламаттыкты сактоо министри Ажар Гиният мыйзам жакынкы аралыкта кабыл алынарын билдирди.
“Саламаттыкты сактоо министрлиги бул норманы колдойт, анткени жаш балдар жана балдар энергетикалык суусундуктарды ичип, ден соолугуна зыян келтирет. Бул норма талкууланып жатат, кабыл алына элек. Бул мыйзам долбоору жакында Сенатка жөнөтүлөт деп күтүп жатабыз”,-деп жыйынтыктады Гиният.
Саламаттыкты сактоо министрлигинин маалыматы боюнча, Казакстанда калк арасында сергек жашоо көндүмдөрүн калыптандырууда көйгөйлөр бар. Тактап айтканда, чоң кишилердин 21 пайызы тамеки тартат, балдардын 20 пайызы ашыкча салмактан жабыркайт. 11-15 жаштагы өспүрүмдөр арасында вейпти колдонуу 10 пайызды, энергетикалык жана канттуу суусундуктарды 17,5 пайыз, ашыкча салмактуулуктун таралышы 15 пайызды түзөт.
Мээрим Жуманазарова Азия оюндарына катышпайт
XIX Азия оюндарына катыша турган Кыргызстандын кыз-келиндер күрөшү боюнча курама командасынын курамында өзгөрүүлөр болду. Бул тууралуу Кыргызстандын кыз-келиндер күрөшү боюнча курама командасынын башкы машыктыруучусу Нурбек Изабеков билдирди. Анын айтымында, мелдешке Айсулуу Тыныбекова жана Айпери Медет кызы катышат. “Ал эми Мээрим Жуманазрова алган жаракаттарына байланыштуу Азия оюндарына катыша албайт. Жуманазарованын ордуна […]
