“Ишеним” партиясынын депутаты Эмил Жусупов 2020-жылдагы парламенттик шайлоого СДПК партиясынан аттануу үчүн Төрөбай Зулпукаровго акча бергени айтылды. Белгилүү журналист Ыдырыс Исаков “Эмил Жусупов депутат болуп эмнени кыйратып жатат? Кесиптештеринен сураштырсам, парламентке 1 айда 2 жолу келет экен. Парламентке келбесең, “пок” жегени депутат болосуңбу? Угуп жүрөбүз, СДПКга кирип, депутат болуш үчүн Зулпукаровго палан миң доллар бериптир. Ал сөздөрдүн чын-төгүнүн билбейм бирок, жөн жерден чыкпаса керек”,- деген.
“Эмаком” курулуш компаниясына депутат Эмил Жусупов ээлик кылат. 2-октябрда компаниянын директоруна кылмыш иш козголуп, камакка алынган.
