Эл аралык Олимпиада комитетинин (МОК) 70 жаштагы президенти Томас Бах мөөнөтү аяктагандан кийин кызматынан кетет. Бул тууралуу чет элдик басылмалар жазышууда.
Томас Бах “Эл аралык Олимпиада комитетинин этика боюнча комиссиясы мага абалымды жарыялоого уруксат берди. Сиздердин көбүңүздөр Олимпиада хартиясын өзгөртүүгө жана менин мандатымды узартууга макул болушумду сурандыңыздар. Менин биринчи реакциям Олимпиадалык хартияга берилгендигимди билдирип, ыраазычылыгымды билдирүү болду. Сиздерге болгон урмат-сыйым ушунчалык жогору болгондуктан, бардык маселелерди жеке өзүм талкууладым. Жыйынтыгында, терең ой жүгүрткөндөн жана үй-бүлөм менен болгон талкуулардан кийин мен ЭОКтун президенти катары мандатты узартпашым керек деген жыйынтыкка келдим. Биз белгилеген башкаруунун жогорку стандарттарын сакташыбыз керек», – деди.
Бах Эл аралык Олимпиада комитетинин (МОК) 2013-жылдан бери жетектеп келет. 2021-жылы ал төрт жылдык мөөнөткө кайра шайланган, Олимпиада хартиясынын жобосуна ылайык, бул анын акыркысы болушу керек.
Бах аткаруу комитетинен шайлоону 2025-жылдын 26-мартына белгилөөнү суранды. Жаңы шайданган президент кызматына 24-июнда киришет.
Мурдагы милиция кызматкери Жалил Атамбаев кармалды
Мурдагы милиционер жана ишкер Жалил Атамбаев кармалды. Бул тууралуу Бишкек шаардык сотунан тастыкташты. Маалыматка ылайык, ал 8-августта кармалып, баш калаанын №1 тергөө абагына 4-сентябрга чейин камакка алынган. Ишкер уюшкан топторду жана кылмыштуу топторду каржылаган (КР Кылмыш-жаза кодексинин 263-беренеси) айыпталууда. Эске салсак, 2021-жылы ал бир катар кылмыштарга, анын ичинде мамлекеттик кызматта […]
