Польша бийлиги акыркы 100 жылдагы эң чоң ызы-чуусун жашап жатат. Дүнүйөдөгү консулдук кызматтары ушул кезге чейин 250 миң адамга Шенген визасын сатканы ортого чыкты. Германия жана Польшанын массалык маалымат каражаттары берген маалыматта Хонг-Конг, Тайвань, Сауд Аравия, Бириккен Араб Эмираттары, Индия, Сингапур, Филиппин жана Катар мамлекеттеринин жарандарына 2021-жылдан баштап, 5000 доллардан Шенген визасын сатканы белгилүү болду. Алар Польша аркылуу Германияга, андан ары Мексикадан АКШга кирип кетишкен. Учурда 7 кишиге кылмыш иши козголгону, тышкы иштер министринин орун басары кызматынан бошотулганы, бардык элчилик жана консулдуктары текшерүүгө алынганы кабарланды.
Роналду сүрөтчү кызга жолукту
Атактуу футболчу Криштиано Роналду кечээ ирандык Фатиманы зыярат кылды. Ал мүмкүнчүлүгү чектелген сүрөтчү кыз. Фатима “Аль-Наср” клубунун чабуулчусу Криштиано Роналдунун жашыл талаадагы ар түрдүү сүрөттөрүн тарткан. Зыярат учурунда ага сүрөттөрүн белек кылды. Бөлүшүү:
