Бүгүн, 15-декабрда Бишкектеги Токтогул Сатылганов атындагы улуттук филармонияда президент Садыр Жапаровдун катышуусунда экинчи Элдик курултай өтүп жатат.
Ага өлкөнүн бардык облустарынан жана аймактарынан 700дөй делегат, ошондой эле Жогорку Кеңештин депутаттары, министрлер кабинетинин мүчөлөрү жана өлкөнүн мамлекеттик органдарынын жетекчилери катышууда.
Улуттук кеңештин курамы 17 мүчөдөн турат. Курултайга келген делегаттар бир добуштан колдоп, Улуттук кеңештин курамын бекитти.
Курултайдын Улуттук кеңешинин төрагасы болуп Мыктыбек Абдылдаев шайланды.
«Чоң жоопкерчиликти сезип турам. Өз тажрыйбамды, билимимди жумшайм»,-деди Абдылдаев.
