Бүгүн, 15-декабрда Бишкектеги Токтогул Сатылганов атындагы улуттук филармонияда экинчи Элдик курултай өтүп жатат. Учурда курултайда жарыш сөзгө чыккандарга үч мүнөттөн убакыт берилип, ой-сунуштарын айтышууда.
“Коррупция ушул кезге чейин тамыр жайып жатканда өлкөнүн финансы, экономикалык чалгындоо кызматы жана ИИМ өз милдеттерин аткарган эмес”, – мындай пикирин Оштон келген делегат Асанбек Абдыкапаров билдирди.
Анын айтымында Жогорку Кеңеш комиссия түзүп, ушул маселени изилдеп чыгышы керек. Абдыкадыров жемкорлук жана криминал менен күрөшүүдө Камчыбек Ташиевдин эмгегин жогору баалады.
