“Коомдогу ишеним жөнүндө сөз кылсак, маселен, сиз Дайырбек Орунбеков боюнча айтып жатпайсызбы. Ал деле Матраимовдун ишеничтүү кишиси да. Мен кесиптештериме болушкандык эмес, бирок, эмне үчүн депутаттарды кетирип, Матраимовдордун түзмө түз кишиси болгон Дайырбек Орунбеков Акүйдө иштеп жатат? Коомдун ишеними ошондон кетет да. Тең салмактуу, адилеттүү көз караш болушу керек”,- деп билдирди депутат Элвира Сурабалдиева Кактус басылмасына берген маегинде.
“Макул, парламенттеги депутаттарды жаман десин. Бул жакта Матраимовдордун кишиси отурса, Сыймык Жапыкеев айткандай, 50 миң фейк бар экен, аларды башкарса, эмнеге ал жакта отурат? Бүгүн ошол фейктер мени да, силерди да тепкилеп жатпайбы”,- деди депутат.
Саясий арена эми кызыйбы?
УКМК Раимбек Матраимов камалгандан кийин аны жактагандар же, мактагандар болсо, жоопко тартылаарын кыйытты эле, андан жакшылык көргөндөр унчукпай эле калышты. Бирок, айрым саясатчылар бийликке коңгуроо кагып, 2010-жылдан баштап кайрадан териштирүү жүргүзүлсө, Раимбек Матраимов көптөгөн саясатчылардын былыгын чубайт дешүүдө. Мындайда, депутат болуп отурган “Мекеним Кыргызстанчылардын” абалы эмне болот? Чоң сырлар ачыкка […]
