Нью-Йорктун соту АКШнын мурдагы президенти Дональд Трампты жана анын үч уулун алдамчылык үчүн күнөөлүү деп тапты. Трамптар 10 жылдан бери жалган каржылык отчет берип келишкен.
Сот Артур Энгорон башкы прокурор Летитиа Жеймстин кыскача чечим чыгаруу өтүнүчүн канааттандырып, Трамп, анын уулдары жана башкалар Нью-Йорк штатынын мыйзамдарын “системалуу түрдө бузуулар үчүн мыйзамдуу түрдө жооп берет” деп тапты. Трамптын он жыл бою банктарга жана камсыздандыруучуларга берген каржылык отчеттору жалган деп табылган. Судья мындай жол менен Трамптар бир нече жолу алдамчылык кылганын айтты. Башкы прокурор 250 миллион доллар зыяндын ордун толтурууну, Трамптарга Нью-Йорктогу бизнес лидери катары тыюу салууну жана компанияга беш жыл бою ишкерликке катышууга тыюу салууну суранды. Трамптын адвокаты Кристофер Киз бул чечимди “фактыларга жана мыйзамга таптакыр тиешеси жок” деп атады. Ал экс-президент Трамп жана анын үй-бүлөсү адилеттүүлүк үчүн бардык жеткиликтүү апелляциялык каражаттарды издей турганын билдирди.
Төлөнбай Нурбаевдин унаасынан наркотикалык заттар табылды
Чет элдик ишкерлерден 200 миң доллар талап кылды делип, камакка алынган Төлөнбай Нурбаевдин үйү тинтүүгө алынган учурда BMV-7 үлгүсүндөгү автоунаасынан наркотикалык заттар, темир кастети жана 11 даана патрон табылган. Мындай маалыматты Ички иштер министрлиги таратты. Аны менен бирге 22 жаштагы уулу жана Фазил аттуу чет элдик жаран кармалып, убактылуу жайга […]
