АКШнын мурдагы президенти Дональд Трамп Атлантага учуп келип, шайлоого кийлигишкен деген кылмыш иши боюнча Фултон округундагы түрмөгө камалды.
Ал жерде саясатчы абак тизмесине катталып, сүрөткө тартылып, таразага тартылды. Трамптын салмагы 97,5 кг, бою 190,5 см экени белгилүү болду. Ал АКШнын тарыхында камакка алуу учурунда сүрөткө түшкөн биринчи мамлекет башчысы болуп калды.
Көп өтпөй мурдагы америкалык лидер 200 миң доллар күрөөгө бошотулганын CNN билдирди. Трамп түрмөдө болгону 20 мүнөткө жакын отурганы, андан кийин анын кортежи Атлантадагы Хартсфилд-Жексон эл аралык аэропортуна жөнөп кеткени көрсөтүлгөн.
