Президенттин кудасы делген Жогорку Кеңештин депутаты Акылбек Түмөнбаев мурдагы президент Сооронбай Жээнбековдун экс-президент макамын алып салуу боюнча демилге көтөрүп, парламент жыйынында бир чамынган эле . Бирок, ошол бойдон үнүн чыгарбай кетти. Ага эмне себеп болгонун эч ким билбейт. Бирок, эртели – кеч бул маселе кайрадан козголоору коомчулукта айтылып келүүдө.
“Акылбек Түмөнбаевдин демилгеси ишке ашса, Роза Отунбаеванын макамы боюнча да, маселе көтөрүлмөк”,- деген көз караштагы адамдар толтура экендиги маалым. “Мынча болду, Курманбек Бакиевге, Алмаз Атамбаевге жана Аскар Акаевге деле экс-президент макамы ыйгарылсын”,- дегендер жок эмес.
Төраганы төрөпейил деп атады
“Нурланбек Шакиевдин төрөпейилдигинен бүт эл жүдөп жатабыз. Дөөлөтүнө мас болуп, эйфориядан түшө албай жатат. Албетте түшө албайт, кокустан болуп калса”,- деп жазды өздүк баракчасына белгилүү журналист Баяна Кулова. Журналист маалымдагандай, төрага жумушка келет дешип, 1 саат мурун жолду жаап, шаардыктарга ыңгайсыздык жаратып жатышыптыр. Бөлүшүү:
