Кудайберген Базарбаев министрлер кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директору болуп дайындалды. Тиешелүү тескемеге президент Садыр Жапаров кол койгон.
Мамлекеттик кызмат жана жергиликтүү өз алдынча башкаруу иштери боюнча мамлекеттик агенттикти буга чейин Улан Карыпбеков жетектеп келген.
Кудайберген Базарбаев буга чейин Эмгек, социалдык камсыздоо жана миграция министри болуп иштеген. Ал 7-сентябрда кызматтан бошотулуп, ордуна мурдагы саламаттыкты сактоо министри Гүлнара Баатырова дайындалган.
