Министрлер кабинетинин төрагасы Акылбек Жапаровдун отставкага кетиши боюнча министрлер кабинетинин төрагасынын орун басары Эдил Байсалов билдирүү жасады.
“Акылбек Жапаров алыска кеткен жок. Ал мындан кийин да президентке эң жакын адамы катары жардам берип, элибиздин жыргалчылыгы үчүн ак кызматын улантат. Бүгүн мен ага ыраазычылык сөздөрүмдү айткым келет”, – деп жазган Байсалов социалдык тармактагы баракчасына.
“Садыр Жапаров президенттин администрациясынын жана министрлер кабинетинин жетекчилигин ротациялоо тууралуу чечим кабыл алды. Мындай чечим өлкөнүн өнүгүшүнө жаңы темп берүүгө, мамлекеттик башкаруунун жана социалдык-экономикалык өнүгүүнүн стилин жаңылоо максатында кабыл алынды. Акылбек Жапаров эгемендүүлүктүн алгачкы отуз жылында топтолгон баа жеткис тажрыйбасы менен бөлүшүп, бүтүндөй бийлик вертикалын толугу менен кайра программалап, ишке киргизген мамлекеттик ишмер катары Кыргызстандын тарыхында калаары анык. Ал бардыгыбызды эффективдүү жана ак ниеттүү иштөөгө үйрөттү”, – деп белгиледи Байсалов.
Байсалов кошумчалагандай, Акылбек Жапаров министрлер кабинетинин төрагасы жана президенттин администрациясынын жетекчиси кызматын аркалаган учурда өлкө көптөгөн жетишкендиктерге жетише алды.
Садыр Жапаров алгачкы ипотекалык батирлердин ачкычтарын тапшырды
Бүгүн, 16-декабрда Президент Садыр Жапаров алгачкы ипотекалык батирлердин ачкычтарын тапшырды. Адегенде Мамлекеттик ипотекалык компания тарабынан курулган Бишкек шаарынын Скрябин көчөсүндө жайгашкан жаңы көп кабаттуу турак жай комплексинен 549 батирдин ачкычы берилди. Президент өз сөзүндө бул иш-чаранын тарыхый маанисин баса белгилеп: “Бүгүн биз мамлекеттик турак жай программасынын алгачкы жемиштерине күбө болдук. […]
