31-августта кечки саат 19.00 до борбордук «Ала-Тоо» аянтында эстрада жылдыздарынын катышуусу менен майрамдык концерт өткөрүлөт. Бул тууралуу мэриянын басма сөз кызматы кабарлады.
Эгемендүүлүк күнүн майрамдоого карата төмөнкү иш-чаралар өткөрүлөт:
ЛЕНИН РАЙОНУ
2023-жылдын 31-августунда саат 10:00дө «Ак-Өргө», «Арча-Бешик» жаңы конуштарында, Ю. Фучик атындагы сейил багында — аркан тартыш, ордо, тогуз-коргоол, шашки түрлөрү боюнча мелдештер өткөрүлөт.
ОКТЯБРЬ РАЙОНУ
2023-жылдын 31-августунда саат 10:00дө «Ден-соолук» сейил багында кичи-футбол, волейбол, балдардын жеңил атлетикасы, стритбол, эстафета, ордо, аркан тартыш, таяк тартыш, тогуз коргоол боюнча мелдештер өткөрүлөт.
31-августта Д. Асанов атындагы паркында – эстафета, аркан тартыш, таяк тартыш, ордо, тогуз-коргоол, шахмат түрлөрү боюнча мелдештер уюштурулат.
Эгемендүүлүк күнүндө саат 18:00дө Дайыр Асанов атындагы сейил багында тамактардын, музыканын жана суусундуктардын FOODFEST 2023 фестивалы өтөт. Иш-чара Horeca Plus, «Coca-Cola Кыргызстан» тарабынан өткөрүлөт.
Саат 15:00дө Ынтымак-2 сейил багында кайрымдуулук жарманке өткөрүлөт (Хенд мейд, тасмаларды көргөзүү, толкинг клаб ж.б.)
БИРИНЧИ МАЙ РАЙОНУ
2023-жылдын 29-августунда саат 10:00дө Бишкек шаардык социалдык стационардык мекемесинде театралдашкан «Кыргыз жерим асыл мурасым» концерттик программа уюштурулат;
2023-жылдын 31-августунда (болжол менен саат 14:00)Кайназарова жана Профсоюз көчөлөрүнүн кесилишинде кичи концерттик программанын коштоосунда балдар аянтчасынын ачылышы пландалууда;
2023-жылдын 31-августунда саат 12:00дө «Коломто» муниципалдык мекемесинде майрамдык түшкү тамак уюштурулат.
2023-жылдын 31-августунда саат 10:00дө «Калыс-Ордо», «Көлмө» жаңы конуштарында, Жаштар сейил багында ордо, шахмат, аркан тартыш, тогуз-коргоол, үстөл тенниси түрлөрү боюнча мелдештер өткөрүлөт.
СВЕРДЛОВ РАЙОНУ
2023-жылдын 30-август күнү саат 10:00дөн 13:00гө чейин “Каражыгач” сейил багында майрамдык иш-чаралар өткөрүлөт. Парктын аймагы шарттуу түрдө 5 зонага бөлүнөт -маданият, көңүл ачуу оюн зооктору, ден-соолук жана спорт, чыгармачылык, тамак-аш зонасы, анда бир убакытта майрамдык жана көңүл ачуучу иш-чаралар өткөрүлөт. Чыгармачылык зонасында асфальтка, мольбертке сүрөт тартуу боюнча ар кандай мастер-класстар уюштурулат.
Спорт зонасы- спорттук талаада спорттун 5 түрү боюнча — пионербол, дартс, шашки, шахмат, футбол, тогуз коргоол боюнча спорттук мелдештер өткөрүлөт. Оюн-зоок зонасын уюштуруу үчүн батут орнотулуп, балдар поезди, балдар үчүн автоунаалар каттайт, самокаттарды жана велосипеддерди ижарага алуу уюштурулат.
Маданият зонасында чыгармачыл топтордун майрамдык концерти уюштурулат. Фуд-корт зонасында конокторго тамак-аш уюштуруу үчүн фуд-корт орнотулуп, балмуздак жана улуттук суусундуктар сатылат. Бардык балдарга балмуздак жана сергитүүчү суусундуктар таратылат.
2023-жылдын 31-августунда саат 10:00дө № 11 Орто мектептин базасында, «Каражыгач» багында, Энесай жаны конушунда, «Учкун» кичи районунда тогуз коргоол, эстафета, аркан тартыш, ордо, таяк тартыш, кичи футбол, үстөл тенниси боюнча мелдештер өткөрүлөт.
