Каракол шаарындагы белгилүү лыжа базасында Ысык-Көл облусунун кышкы туристтик сезону расмий түрдө ачылды. Бул тууралуу президенттин аймактагы өкүлчүлүгүнөн билдиришти.
Ачылыш аземинде президенттин аймактагы өкүлүнүн биринчи орун басары Данияр Арпачиев Ысык-Көл облусунун кышкы туризм багытында чоң мүмкүнчүлүктөргө ээ экенин белгилеп, быйыл облусту алдын ала эсептөөлөр боюнча 2 миллионго жакын турист келиши күтүлүп жатканын айтты.
“Анын 300 миңден ашууну чет өлкөлөрдөн келген туристтер. Бул көрсөткүч жылдан жылга өсүп жатат. Караколдогу лыжа базасы — Ысык-Көлдүн гана эмес, өлкөнүн туризм жаатындагы визиттик карточкасы болуп калды. Ушул жылы лыжа базасына баруучу 3 чакырым жол капиталдык оңдоодон өттү. Ошондой эле “Үч чоку” жана “Каркыра резорт” сыяктуу ири долбоорлор ишке ашырылып жатат. Бул иштер президент Садыр Жапаровдун туризмди өнүктүрүүгө өзгөчө көңүл буруп жатканын айкын мисалы. Президенттин мындай көңүл буруусу жана колдоосу кышкы туризмди жаңы деңгээлге чыгаруу үчүн чоң мүмкүнчүлүктөрдү ачат”, — деп баса белгиледи ал.
Иш-чаранын жүрүшүндө лыжа спорту боюнча көрсөтмө оюндар, кышкы спорт сүйүүчүлөрү үчүн атайын машыгуулар көрсөтүлдү.
Опумбаев сотко келди
УКМКнын мурдагы төрагасы Орозбек Опумбаев бүгүн, 2-декабрда борбор калаанын Биринчи Май райондук сотуна келди. Ал Кой-Таш окуясы боюнча өтүп жаткан соттук териштирүүгө күбө катары көрсөтмө берүүгө келгени белгилүү болду. Бөлүшүү:
