Ысык-Көлдө “жер мафиясынын” ишмердүүлүгүнө бөгөт коюлду. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, УКМК 2010-2021-жылдар аралыгында мамлекеттик жана муниципалдык жер участокторун жеке менчикке мыйзамсыз чыгарып кетүү менен алектенген жергиликтүү бийлик органдарынын, соттун, кадастрдын, архитектура жана шаар куруу башкармалыгынын кызмат адамдарынан түзүлгөн туруктуу кылмыштуу топтун коррупциялык ишине бөгөт койду.
“Жер мафиясынын” катышуучулары мамлекеттик жана муниципалдык бош жер участокторун аныктап, аларды жасалма укук белгилөөчү документтердин негизинде, соттун чечими менен легалдаштыруу жолу аркылуу жеке менчикке өткөрүп бергендиги аныкталды.
Тактап айтканда, мындай аракеттер аркылуу болжолдуу базар баасы 52 млн сомдон ашык болгон 58 гектарга жакын айыл чарба багытындагы жер тилкелери мыйзамсыз түрдө жеке менчикке өтүп кеткен.
2024-жылдын 28-февралында козголгон кылмыш ишинин алкагында Бишкек шаары жана Ысык-Көл облусу боюнча “жер мафиясынын” мүчөсү делген 13 адамдын үйүндө тинтүү иштери жүргүзүлдү. Жыйынтыгында «Кадастр» органдарынын, Архитектура жана шаар куруу башкармалыгынын жетекчилеринин ичинен 5 жооптуу кызматкер кармалып, Каракол ИИБнин убактылуу кармоочу жайына киргизилди.
Тергөөнүн жүрүшүндө бул кылмыштуу чөйрөнүн калган 8 мүчөсүнүн аракетине тиешелүү юридикалык баа берилет.
Учурда аталган кылмыш иши боюнча тергөө иштери улантылууда.
Байден дени сак жана энергиялуу экени айтылды
АКШ президенти Жо Байдендин дарыгери жыл сайын медициналык кароодон өтүп, анын ден соолугу мамлекет башчы болуп иштөөгө мүмкүнчүлүк берерин, медициналык кароодон өткөндө жаңы көйгөйлөр аныкталбаганын билдирди. Ноябрь айындагы шайлоонун алдында ден соолугу текшерилип жаткан 81 жаштагы Байден шаршемби күнү Мэриленд штатындагы аскердик госпиталда текшерилди. “Баары сонун”,-деген Байден жана акыркы тесттин […]
