Россиянын коргоо министри Сергей Шойгу Украинанын Куралдуу күчтөрүнүн жоготуулары тууралуу айтып берди.
Анын айтымында, контрчабуул деп аталган операция башталгандан бери Киев 66 миңден ашык адамынан жана 7,6 миң куралынан ажыраган. Россиянын Куралдуу күчтөрүнүн жетекчилиги менен тематикалык селектордук кеңешмеде сүйлөгөн сөзүндө министр Украина жарандык объекттерге кол салуу менен өзүнүн чабуулунун ийгиликсиздигин жашырууга аракет кылып жатканын айтты.
Шойгу ошондой эле орус армиясынын бир айдын ичинде 159 ХИМАРС ракетасын, миңден ашуун учкучсуз учуучу аппаратты жана 13 канаттуу ракетасын атып түшүргөнүн мисал келтирди.
