Россиянын жаңыланган өзөктүк доктринасына ылайык, “өзөктүк кол чатыры” биринчи кезекте Жамааттык коопсуздук келишим уюмуна (ЖККУ) мүчө өлкөлөргө жайылтылат. Мындай пикирин Россиянын Коопсуздук кеңешинин катчысы Сергей Шойгу билдирди. Ал документте Беларуссияга карата агрессия болгон учурда өзөктүк куралды колдонуу критерийлери да жазылганын кошумчалады.
«Биринчи кезекте, эски доктринада да бул чатыр биздин союздаштарга да жайыларын айта кетейин. Ал эми жаңы доктринага келсек, албетте, ал негизинен ЖККУга мүчө өлкөлөрдү камтыйт»,-деди Шойгу ЖККУнун ТИМ башчыларынын, Коргоо министрлеринин жана Коопсуздук кеңештеринин катчыларынын комитетинин жыйынында.
Кыргызстан 2025-жылы ЖККУга төрагалык кылат
2025-жылдын 1-январынан тарта Кыргызстан Жаматтык коопсуздук жана келишим уюмуна төрагалык кылат. Бул тууралуу тышкы иштер министри Жээнбек Кулубаев бүгүн Казакстандын Астана шаарында өткөн Жамааттык коопсуздук келишим уюмунун Тышкы иштер министрлер кеңешинин, Коргоо министрлер кеңешинин жана Коопсуздук кеңештеринин катчыларынын комитетинин биргелешкен жыйынында билдирди. Ведомствонун маалыматына караганда, министр Кулубаев ЖККУга төрагалык кылууга […]
