Эдил Байсалов боюнча депутаттардын кабыл алган токтому аткарылган жок. Депутат Шайлообек Атазов токтомдун аткарылбай жатканын парламенттин эсине салды. Ал бизге берген маегинде “Эдил Байсалов парламенттин беделин түшүрүп, депутаттарга акаарат айткан, анын биз менен иштешүүгө укугу жок. Өлкө башчылары деле депутат болушкан. Мени түшүнүү менен кабыл алышат го деп ойлойм”,- деди.
Парламент ушул жылдын июнунда Министрлер кабинетинин төрагасынын орун басары Эдил Байсаловду кызматтан кетирүү сунушун өлкө башчысына жөнөтүү боюнча токтомун токуган. Бирок, токтом али күнгө чейин аткарыла элек.
