“Азык – түлүк менен тоютка болгон кымбатчылык күн сайын өсүп жатат. 25 сомдук нандар 30-35 сомдон сатылууда. Айыл чарба министрлигинин шалаакылыгын да ушул жерде талкуулайлы”,- деди депутат Шайлообек Атазов.
“Эгер айыл чарба министри Монголияга кымбат баада сарымсак сүйлөшкөнү кеткен болсо, анда, келбей эле койсун. Бул жерде Акылбек Жапаров отурат бирок, айыл чарба министри менен вице-премьери жок”,- деп билдирди. Депутат күн тартибине тоют, азык – түлүк жана оруп-жыйноо жумуштары боюнча да угууну киргизүүнү суранып, бул элдин талабы экенин айтты.
