Стамбулдагы футбол боюнча Чемпиондор Лигасынын финалы Түркияга ири акча табууга мүмкүнчүлүк берди.
«Финалга дүйнөнүн төрт бурчунан коноктор келип, өлкөбүздүн экономикасына 200 миллион доллар өлчөмүндө салым кошушту», – деди Түркиянын футбол федерациясынын жетекчиси Мехмет Буюкекши.
Эске салсак, 10-июнда Чемпиондор Лигасы – 2022/23 финалы аяктап, анда англиялык “Манчестер Сити” менен италиялык “Интер” беттешкен. Шаардык «Манчестер Сити» 1:0 эсебинде жеңишке жетип, турнирди жеңип алышкан.
