Бүгүн, 19-октябрда таң эрте куткаруучулардын издөө иштеринин натыйжасында изделип жаткан 3 адамдын сөөгү саат 10:30да табылды. Бул тууралуу Өзгөчө кырдаалдар министрлигинен билдиришти.
Министрлиги тарабынан Жалал-Абад облусунун Чаткал районундагы алыскы Ак-Сайында кар көчкүдөн улам дайынсыз болгон 6 жаранды издөө иштери аткарылган.
Алардын ичинен 3 адамдын сөөгү кечээ,18-октябрда табылып, тик учак аркылуу Кумбел тилкесиндеги штабга жеткирилген. Кар көчкүнүн алдынан табылган адамдардын сөөктөрүн куткаруучулар ИИМ кызматкерлерине жана туугандарына өткөрүп берүүдө.
Эскерте кетсек, 9-октябрда Каныш-Кыя айылынын 13 тургуну жана 1 кытайлык жаран тоого эндик өсүмдүгүнүн тамырын терүүгө чыгышкан. Кийинчерээк байланышка чыкпагандыктан, 16-октябрда алар дайынсыз болуп жатканы тууралуу ӨКМге кабар берилген.Ошол эле күнү куткаруучулар менен жергиликтүү тургундар издөө иштерине чыгып, дайынсыз болгон 8 кишини табышкан.
Табылган адамдар 14-октябрда саат 18:00дордо кар көчкү болгонун, 6 адам кар алдында калган болушу мүмкүн экенин айткан.
Кыргызстандын бокс боюнча жаштар курамасы дүйнө чемпионатына даярданууда
Кыргызстандын бокс боюнча жаштар курамасынын мүчөлөрү Дүйнө чемпионатына даярдык көрүү максатында Бишкек шаарында окуу-машыгуу жыйынын өткөрүүдө. Бул тууралуу Дене тарбия жана спорт департаментинен билдиришти. Маалыматка ылайык, 6-октябрь күнү башталган окуу-машыгуу жыйыны кечээ жыйынтыкталды. Курама команданын тизмеси: 48 кг Ясур Таалайбек уулу; 51 кг Зафарбек Камилов, Момуналы Ыбрайманкулов; 54 кг Амантур […]
