Херсон шаарынын Холая Пристань шаарынын администрациясы суу каптаган аймактардан калкты эвакуациялоо үчүн бардык аракеттерди көрүүдө. Облустун өкмөтүнүн төрагасы Андрей Алексеенконун айтымында кечке жуук суу кескин көтөрүлө баштаган. Күндүз үйдөн чыгар чыкпасын ойлонгон шаар тургундарынын көбү кечке маал үмүтсүз абалда калышты.
Андрей Алексеенконун айтымында, аларды чатырчалардан чыгарууга туура келди. Кыйын кырдаалга карабастан, облустун аскердик-жарандык администрациясы үмүтсүз абалда калган шаардыктарды суу каптаган аймактардан алып чыгуу үчүн бардык аракеттерди көрүүдө.
Херсон облусунда жайгашкан Каховская ГЭСинин дамбасынын жабыркаганына Украина менен Россия бири-бирин айыпташты. Эгер суунун деңгээли 12,7 метрден төмөн түшсө, экологиялык кырсыкка алып келиши мүмкүн, бул тууралуу Украинанын Экология министрлиги билдирди. Суунун нормалдуу деңгээли адистердин айтымында, 14,5-16 метрди түзөт. Суунун деңгээлинин кескин төмөндөшү менен балыктардын жана канаттуулардын жугуштуу оорусу башталат, көптөгөн шаарлар жана шаарчалар суусуз калышы мүмкүн, Запорожье атомдук станциясы өзөктүк катастрофа коркунучуна кабылары кабарланды.
Россия Федерациясынын көзөмөлүндөгү аймакта калкты пландуу эвакуациялоо даярдалып жатканын жарыялады. Алар Новокаховский, Голопристанский жана Алешкинский райондорунун тургундарына жеке буюмдарын, документтерин чогултуп, 3 күндүк тамак-аш жана ичүүчү сууну алып кетүүнү сунушташты. Аларга убактылуу жайгаштыруу борборлору түзүлдү.
Эске салсак, шейшембиге, 6-июнга караган түнү Украинанын Херсон облусунда жайгашкан Каховка ГЭСинин дамбасы урап түшкөн. Аймакта жергиликтүү тургундарды эвакуациялоо иштери башталды. Каховка ГЭСи Украинанын түштүгүндө, Херсон облусунун Нова Каховка шаарынан 5 чакырым алыстыкта жайгашкан. «Укргидроэнерго» ишканасы Каховская ГЭСи толугу менен талкаланганын жана аны калыбына келтирүүгө мүмкүн эместигин билдирди. НАТОнун баш катчысы Йенс Столтенберг Каховка ГЭСинин кыйрашы карапайым калк жана экология үчүн кесепеттерине тынчсызданууда.
БУУ Каховская ГЭСинин кыйраган зонасында жабыркагандарга жардам көрсөтүүгө даяр экенин, бирок бул оңой болбой турганын БУУнун Коопсуздук кеңешинин жыйынында баш катчынын гуманитардык маселелер боюнча орун басары Мартин Гриффитс билдирди.
