Ливандык “Хезболла” уюмунун жаңы башкы катчысы болуп Хашем Сафи ад-Дин шайланды. Тиешелүү чечимди шура кеңеши кабыл алды.
Сафи ад-Дин аткаруу комитетинин башчысы кызматын аркалап келген. Ал мурдагы лидер Хасан Насралланын аталаш иниси жана Ирандын “Кудс” күчтөрүнүн мурдагы командачысы Касем Сулейманинин күйөө баласы.
Маалыматтарга ылайык, Хашем Сафи ад-Дин 1964-жылы Ливандын түштүгүндөгү Дейр-Канун ан-Нахр шаарында төрөлгөн. Ал Насралла менен чогуу Наджаф жана Кум шаарларында билим алып, 1982-жылы “Хезболланы” негиздеген.
Айрым маалыматтар боюнча, Насралла 2008-жылы эгерде өзү көз жумса аталаш инисин мураскер болорун сунуштаган. ЖМКлардын айтымында, Сафи ад-Дин акыркы отуз жыл бою “Хезболланын” саясий, социалдык, маданий жана билим берүү ишмердүүлүгүн көзөмөлдөгөн.
27-сентябрда Израил армиясы Бейруттун түштүгүндөгү калк жыш жайгашкан Дахия районуна бир катар ракеталык соккуларды жасаган. Анда “Хезболланын” негизги командачылык борборлорунун бири жайгашкан. 28-сентябрда ЦАХАЛ “Хезболланын” лидери Хасан Насралланын жок кылынганын билдирген. Израиль армиясынын маалыматына ылайык, Насралла Бейруттагы чабуул учурунда өлтүрүлгөн. Аны менен кошо кыймылдын башка лидерлери дагы курман болушкан.
Бүгүнкү доллардын курсу
Бүгүн, 30 – сентябрь саат 09:30га карата Кыргызстандын коммерциялык банктарда жана акча алмаштыруучу жайларда 1 долларды сатып алуу 84 сомдон болсо, сатуу 84 сом 45 тыйынга чейин болууда. Ал эми Улуттук банкта 1 доллардын курсу 84 сом 20 тыйын деп көрсөтүлгөн Бөлүшүү:
