Аралаш мушташ боюнча жеңилбес мушкер Хабиб Нурмагомедов UFC уюмунун 40 миллион доллар сунушунан кийин профессионалдык спортко кайтуудан таптакыр баш тарткан. Абсолюттук мушташ чемпионаты(UFC) дагестандык спортчунун уюмга кайтып келүүсүнөн үмүтүн үздү. Бул тууралуу америкалык мушкер Даниел Кормье айтып чыкты.
“Хабиб UFC уюмунун 40 миллион долларлык сунушунан баш тартканын айтты. Ал канча беттешке чыгышы керек экенин жана кандай сунуш болгонун билбейм, бирок ал бизге “40 миллион доллардан баш тарттым”, – деди Кормье өзүнүн жеке YouTube подкастында.
Эске салсак, Нурмагомедов 2020-жылдын күзүндө, Жастин Гэтжи менен титулдук күрөштөн кийин дароо карьерасын аяктаарын жарыялаган. Хабиб 29 беттеште 29 жеңиш менен спорттон кеткен.
